Կրեմլում չափազանց ուշադիր են հետեւում սիրիական Աֆրինում Թուրքիայի գործողության ընթացքին, ռուսաստանցի ներկայացուցիչները կապի մեջ են ինչպես Դամասկոսի, այնպես էլ Անկարայի հետ, երկուշաբթի մամուլի ասուլիսի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
«Նախկինի նման, հիմնարար ենք համարում Սիրիայի տարածքային ամբողջականության պահպանումը: Անկասկած, ուշադիր հետեւում ենք հումանիտար ուղղություններին, որոնք կապված են հիմա Աֆրինի շրջանում տեղի ունեցողի հետ»,- լրագրողներին ասել է Պեսկովը՝ պատասխանելով այն հարցին, թե Կրեմլն ինչպես է գնահատում սիրիական Աֆրինում Թուրքիայի գործողությունները:
Ավելի վաղ Թոուրքիայի Գլխավոր շտաբը հայտարարել էր սիրիական Աֆրինում քրդական կազմավորումների դեմ «Ձիթենու ճյուղ» գործողության մեկնարկի մասին: Թուրքիայի վարչապետ Բինալի Յըլդըրըմը կիրակի հայտարարել էր Աֆրինում ցամաքային գործողություններ սկսելու մասին:
Դամասկոսը վճռականորեն դատապարտել է Աֆրինի վրա Թոուրքիայի հարձակումը, որը Սիրիայի անբաժանելի մասն է:
Թուրքական «Ձիթենու ճյուղը» Սիրիայում. քրդերը խոստանում են հակահարված տալ
