Ինդոնեզիայի Բանկը այս տարի մտադիր է բլոկչեյն համակարգի կիրառմամբ թվային ռուպի թողարկել թեստային ռեժիմում: Այս մասին հաղորդում է The Jakarta Post-ը՝ վկայակոչելով կարգավորիչ մարմնի ղեկավարությանը:
«Մեր կողմից ներկայումս օգտագործվող թղթադրամները կարող են թվային փողերի վերածվել: Որեւէ երկիր դեռ նման փողեր չի թողարկել»,- պատմել է Ինդոնեզիայի բանկի վճարային համակարգերի հարցերով գործադիր տնօրենի խորհրդական Սուսիատո Դեւին, փոխանցում է «ՏԱՍՍ»-ը: Ինչպես նշել է բանկի ներկայացուցիչը, ինդոնեզական կրիպտոարժույթը կարող է օգտագործվել ինչպես երկրի ներսում, այնպես էլ միջազգային գործարքների համար: