Աշխարհի խոշորագույն թունավոր օձը՝ թագավորական կոբրան, մարտի է բռնվել խոշորագույն օձի՝ ցանցավոր պիթոնի հետ։ Մահացու մենամարտի երկու մասնակիցներն էլ սատկել են, ու նրանց վերջին լուսանկարը վիրուսային է դարձել սոցցանցերում, հայտնում է Life-ը։
Մարտի դաշտում ընկած խոշորագույն սողունների լուսանկարը հրապարակել էր Imgur պորտալը։ Հրապարակման հեղինակը նշել է, որ լուսանկարն արվել է Հարավ-արևելյան Ասիայում։ Հրապարակումը ավելի քան 250 հազար դիտում ու ավելի քան յոթ հազար պլյուս է ստացել, մեկնաբաններին սարսափեցրել են ոչ միայն սատկած օձերի տեսարանը, այլև նրանց շուրջ աղբի քանակությունը։