News
Լրահոս
News
Հինգշաբթի
Հունվար 24
Տեսնել լրահոսը

Ստամբուլի նահանգապետարանում փետրվարի 7-ին տեղի է ունեցել նախատեսված հանդիպումը հայ համայնքի հիմնադրամների ղեկավարների, ազդեցիկ անդամների ու Թուրքիայի ՆԳ նախարարի, Ստամբուլի ոստիկանապետի, Ստամբուլի ժանդարմերիայի հրամանատարի, Ստամբուլի նահանգապետի եւ մի շարք բարձրաստիճան պաշտոնյաների հետ։

Ինչպես տեղեկանում ենք Ստամբուլի հայկական «Ակոս»-ից, հանդիպմանը բացման խոսքով հանդես է եկել ՆԳ նախարար Սուլեյման Սոյլուն՝ ներկայացնելով Թուրքիայի իրավիճակն ու կարեւորեւելով ժողովրդավարական արժեքների պահպանումը ամեն ինչում։

Հայ համայնքից ելույթով հանդես եկած պատրիարքական ընտրության նախաձեռնող խմբի խոսնակ, իրավաբան Սեպուհ Ասլանգիլը գոհունակություն է հայտնել, որ նախարարը ժողովրդավարությունից է խոսում՝ ուշադրություն հրավիրելով պատրիարքարան ուղարկված Ստամբուի նահանգապետարանի նամակի վրա, որում նշվում է, որ իշխանությւոնները չեն ճանաչում ժողովրդավարական բոլոր օրենքներով պատրիարքի տեղապահ ընտրված արք․ Բեքչյանին։  Սեպուհ Ասլանգիլը նշել է, որ Հայոց պատրիարքրանում բոլոր գործընթացները երկրի օրենքներին ու եկեղեցական կարգերին համապատասխան են արվել եւ նման նամակի բովանդակությունը իրենց տխրեցրել է։

Այս ելույթից հետո խոսքով հանդես եկած հայ համայնքի ներկայացուցիչները պնդել են, որ հնարավոր չէ շարունակել արք․ Արամ Աթեշյանի հետ։

Հանդիպման վերջում ՆԳ նախարար Սուլեյման Սոյլուն նշել է, թե քննարկումների եւ առաջադրված պահանջները կհայտնի նախագահ Էրդողանին եւ վարչապետ Յըլդըրըմին, որից հետո մեկ ամիս անց նորից կհանդիպեն հայ համայնքի ներկայացուցիչների հետ։

Ստամբուլի նահանգապետարանի ուղարկած նամակում նշվել է, թե Հայոց պատրիարք Մեսրոպ Մութաֆյանը դեռ ողջ է, եւ նոր պատրիարք ընտրելու համար անհրաժեշտություն դեռ չկա։

Հիշեցնենք, որ Ստամբուլի նահանգապետարանի նամակում շեշտվել է, թե իրենք որպես փոխպատրիարք են ճանաչում արք. Արամ Աթեշյանին, եւ արք Բեքչյանի ընտրության հետ կապված բոլոր գործընթացներն ու Բեքչյանի բոլոր որոշումներն անօրինական են համարում։

Նշենք, որ Պոլսո հայոց պատրիարք, արք. Մեսրոպ Մութաֆյանը գտնվում է անկողնային վիճակում եւ ֆիզիկապես արդեն 10 տարի չի կարողանում իրականացնել իր պարտականությունները։ Ավելի ուշ, երբ հայ համայնքը որոշում է նոր պատրիարքի ընտրություններ անցկացնել, թուրքական կառավարությունը փոխպատրիարք է նշանակում արք. Արամ Աթեշյանին։ Նման պաշտոն չկա հայ եկեղեցում։

Հայ համայնքին սա չի բավարարում, քանի որ արք. Աթեշյանը նշանակված անձ լինելով՝ կաշկանդված է հայ համայնքին լիարժեք ծառայելու մեջ եւ իշխանամետ պահվածքով է մշտապես հանդես եկել։

Այս պայմաններում 2016–ին Ստամբուլի հայ համայնքի ճնշման տակ արք. Արամ Աթեշյանը հրաժարական է տալիս եւ պատրիարքական տեղապահի ընտրություն է անցկացվում։ Արդյունքում պատրիարքական տեղապահ է ընտրվում արք. Գարեգին Բեքչյանը։ Այնուհետ սկսվում է նոր պատրիարքի ընտրության գործընթաց, որի շրջանակներում ստեղծված պատրիարքի նախաձեռնող խումբը մի քանի անգամ դիմել է Ստամբուլի նահանգապետարանին եւ ՆԳՆ–ին, սակայն մինչ օրս պատասխան չի ստացել։

Ավելի ուշ պարզվել է, որ Ստամբուլի նահանգապետարանը փետրվարի 7–ին քննարկման է հրավիրել հայ համայնքի հիմնադրամների ներկայացուցիչներին ու նախաձեռնող խմբի խոսնակին։ հանդիպմանը ներկա է լինելու նաեւ ՆԳ նախարարը։

!
Այս նյութը հասանելի է նաև   English and Türkçe
Տպել
Կարդացեք նաև
Ամբողջը
Հայերը Բեթղեհեմում նշել են Քրիստոսի Սուրբ ծնունդը (ֆոտո)
Հայ համայնքը Սուրբ ծնունդը նշել է Բեթղեհեմի բազիլիկում...
Երուսաղեմում Հայ եկեղեցին մեծ շուքով նշում է Սուրբ Ծնունդը (ֆոտո)
Կեսգիշերին սպասվում է Պաղեստինի նախագահի այցը Սուրբ Ծննդյան տաճար...
Երուսաղեմի նորընտիր քաղաքապետն այցելել է Հայոց պատրիարքարան
Հանդիպման ընթացքում քննարկվել են նաև Երուսաղեմի Հայոց պատրիարքարանին և հայկական համայնքին հուզող հարցեր…
Արտաքին լրջագույն մարտահրավերների պայմաններում ներքին կյանքում պիտի ունենանք հնարավորինս քիչ խնդիրներ. Գարեգին Բ
Հայաստանի նոր կյանքը կերտելու պատասխանատվությունը նաեւ ձեր ուսերին է...
Պոլսո հայոց պատրիարքարանի մուտքի մոտ նոր խաչքարեր են տեղադրվել (ֆոտո)
Սույն խաչքարերը պատրաստվել են Հայաստանի մեջ բարերար Սասունցի...
Սփյուռքի նախարարության դուրս հանելը կարող է բացասական արձագանք ստանալ սփյուռքում. Արամ Ա-ի նամակը՝ Փաշինյանին
Նա նշել է, որ կառավարության ընդհանուր կազմից Սփյուռքի նախարարության դուրս հանելը կարող է բացասական արձագանք ստանալ սփյուռքի ներսում...
Ֆոտոռեպորտաժներ