Հորդանանի եւ Իրաքի միջեւ ճգնաժամը լրատվամիջոցներում է հայտնվել Իրաքի հանգուցյալ նախագահի ավագ դուստր Ռագհադ Սադամ Հուսեյնին հանձնելու Բաղդադի խնդրանքի մասին հրապարակումներով, հայտնում է Al-Quds Al-Arabi-ն:

2003 թվականի հուլիսին Ռագհադը քրոջ՝ Ռանայի եւ երեխաների հետ Հորդանան է փախել: Նա Իրաքի կառավարության կողմից 2006-ին նախկին իշխող «Բաաս» կուսակցության ամենահետախուզվող անդամների ցուցակում է:

Իրաքի խորհրդարանի անդամ Ռազակ ալ Հայդարին հրապարակայնորեն Հորդանանին սպառնացել է՝ հայտարարելով, որ Ամմանը «կրակի հետ է խաղում»՝ հրաժարվելով այս հարցում համագործակցելուց: