Եգիպտոսում դատարանը ղպտի քահանային սպանած տղամարդուն մահապատժի է դատապարտել, հաղորդում է AP-ն: Կահիրեի քրեական դատարանը հաստատել է, որ նախորդ տարվա հոկտեմբեր ամսին Կահիրեից դեպի հյուսիս-արեւելք գտնվող Ալ-Սալամ քաղաքում ամբաստանյալ Ահմեդ Սաիդը դանակով հարձակվել էր 40-ամյա քահանա Սամաան Շեհաթուի վրա: Հարձակման արդյունքում եւս մեկ քահանա էր վիրավորվել:
Եգիպտոսում քրիստինյաների վրա հարձակումների թիվը վերջին տարիներին կտրուկ աճել է: Երկրում տեղի ունեցած մի շարք ահաբեկչական հարձակումների համար պատասխանատվությունը ստանձնել է «Իսլամական պետություն» խմբավորումը:
Հիշեցնենք, որ 2017 թվականի ապրիլին ղպտի եկեղեցիների վրա իրականացված երկու ահաբեկչական հարձակման հետեւանքով առնվազն 47 մարդ էր զոհվել: