Autobild պարբերականի լրագրողները երրորդ սերնդի Kia Ceed մոդելի մասին մանրամասներ են բացահայտել: Մոդելը ոչ միայն կզրկվի անվանման ապաթարցից, այլեւ կանցնի նոր թեթեւացված պլատֆորմի: Նորույթի հրապարակային դեբյուտը տեղի կունենա ընթացիկ տարվա գարնանը Ժնեւի ավտոսրահում, փոխանցում է Motore-ը:
Kia Ceed նմուշի առաջին մոդելը կլինի, որը կպատրաստվի K2-ի ավելի ամուր եւ թեթեւ պլատֆորմի վրա: Այն 25 կգ-ով թեթեւ է նախկինում օգտագործված J4-ից: Ըստ որում՝ կախոցի ճարտարապետությունը չի փոփոխվի:
Նոր սերնդի հեչբեքի չափերը գործնականում չեն տարբերվի ընթացիկ մեքենաներից: Ceed-ի երկարությունը կկազմի 4310 մմ, լայնությունը՝ 1800 (+20 մմ), բարձրությունը՝ 1447 մմ (-23): Անվային բազան չի փոփոխվի՝ 2650 մմ:
Առջեւի քիվը 20 մմ-ով կարճ կլինի, իսկ հետեւինը՝ նույնքան երկար: Բեռնախցիկի տարողությունը կմեծանա 15 լիտրով՝ մինչեւ 395: Նստատեղերի մոտ գլխավերեւում տարածության փոխհատուցման համար նոր Ceed-ում փոփոխել են ամրացման կետերը՝ դրանք ավելի ցածր են գտնվում:
Ceed-ի շարժիչների գամման կազմված կլինի երեքգլանանի ագրեգատից՝ 1 լիտր ծավալով (120 ձիաուժ), 1,4-լիտրանոց բենզինային տուրբոշարժիչից (մոտ 140 ձիաուժ) եւ 1,6-լիտրանոց դիզելից՝ 115 կամ 136 ձիաուժ: Շարժիչները կաշխատեն մեխանիկական շարժահաղորդակների զույգով: Տուրբոշարժիչներով եւ դիզելային ագրեգատներով մեքենաները կարելի է հավաքել 2 կցորդմամբ յոթաստիճանի «ռոբոտով»:
Նոր սերնդի Kia Ceed-ը կունենա մուլտիմեդիայի համակարգ՝ 5, 7 կամ 8 դյույմ անկյունագծով դիսփլեյով, օդափոխությամբ առջեւի նստատեղեր, ցանկացած ապակու տաքացում եւ անլար լիցքավորում:
Kia Ceed-ը կթողարկվի 4 մոդիֆիկացիայով՝ հինգդռնանի հեչբեք, ունիվերսալ, լիֆթբեք եւ ամենագնաց: