Հյուսիսային Կորեայի առաջնորդ Կիմ Չեն Ընի երկարաժամկետ նպատակը Կորեական թերակղզու վերամիավորումն է: Այս մասին հայտարարել է ԱՄՆ ծովակալ Հարի Հարիսը` ելույթ ունենալով ԱՄՆ Կոնգրեսի ԶՈՒ հարցերով հանձնաժողովում, հաղորդում է AP-ն:
Նրա խոսքով՝ գերակշռում է այն կարծիքը, որ Կիմը ռեժմի պահպանման համար միջուկային զինանոցի կարիք ունի, սակայն նա հեռուն գնացող նպատակներ է հետապնդում:
Մասնավորապես, նրա երկարաժամկետ նպատակը «միասնական կոմունիստական համակարգի» շրջանակներում Կորեական թերակղզու վերամիավորումն է: Նա նշել է, որ Հյուսիսային Կորեայի հետ հետագա ցանկացած բանակցությունները պետք է ուղղված լինեն թերակղզում միջուկային զենքի վերացմանը:
