Հայաստանի Ազգային ժողովում ընթանում է «Ելք»-ի նախաձեռնությամբ թանկացումներին նվիրված ԱԺ արտահերթ նիստը:

Օրակարգում է մեկ հարց. «Հայաստանի Հանրապետության հարկային օրենսգրքում փոփոխություններ եւ լրացումներ կատարելու մասին» օրենքի նախագիծը:

Օրինագծի առաջին ընթերցմամբ քննարկման համար սահմանվել է 3 ժա, իսկ երկրորդ ընթերցմամբ քննարկման համար՝ 2 ժամ:

Նշենք, որ արտահերթ նիստի պահանջով «Ելք»-ի ստորագրահավաքին միացել էր նաեւ «Ծառուկյան» խմբակցությունը, ինչն էլ թույլ էր տվել հավաքել անհրաժեշտ 27 ստորագրությունը:

Նշենք, որ ԱԺ Տնտեսական հարցերի մշտական հանձնաժողովը երեկ՝ փետրվարի 15-ին, բացասական եզրակացություն է տվել «Ելք» խմբակցության կողմից հեղինակված «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագծին:

Ըստ նախագծի հիմնավորման՝ 2018 թվականի հունվարի 1-ից ուժի մեջ մտած ՀՀ հարկային օրենսգրքով էներգակիրների (բենզին, դիզելային վառելիք, սեղմված բնական գազ) հարկային բեռի ավելացումը հանգեցրել է այդ և առաջին անհրաժեշտության ապրանքատեսակների գների բարձրացման:

ՀՀԿ խմբակցության ղեկավար Վահրամ Բաղդասարյանը այս առնչությամբ հայտարարել էր, որ իրենք չեն բոյկոտի եւ չեն տապալի նիստը, այլ կմասնակցեն եւ եւս մեկ անգամ կներկայացնեն իրենց փաստարկներն ու հիմնավորումները