Նախկին պատգամավոր Տաճատ Վարդապետյանն առաջարկի դեպքում պատրաստ է խորհրդարանում փոխարինել Հրայր Թովմասյանին:

NEWS.am-ի հետ զրույցում Տաճատ Վարդապետյանը նշեց, որ ինքը դեռ առաջարկ չի ստացել, իսկ ստանալու դեպքում չի հրաժարվի մանդատից:

Հիշեցնենք, որ ԱԺ ՀՀԿ խմբակցության պատգամավոր Հրայր Թովմասյանն առաջադրվել է Սահմանադրական դատարանի անդամի պաշտոնում: Նա փետրվարի 16-ին հրաժարականի դիմում է ներկայացրել ԱԺ պետաիրավական հարցերի հանձնաժողովի նախագահի պաշտոնից։ Թովմասյանը դեռ ԱԺ պատգամավոր է մնալու՝ մինչ նշանակումը, իսկ հրաժարականի դեպքում ԱԺ պատգամավոր կդառնա Տաճատ Վարդապետյանը։