Տարեցտարի աճում է նպատակային կիբերհարձակումների թիվը տարբեր կազմակերպությունների, այդ թվում բանկային հատվածի, պետական հատվածի եւ արդյունաբերության վրա: Այս մասին NEWS.am-ի թղթակցի հետ զրույցում «Հայացք ֆինանսական անվտանգության» թեմայով սեմինարից հետո ասել է «Կասպերսկու լաբորատորիայի» խորհրդատու, վերլուծաբան Բուլատ Սիրաեւը:
Նրա խոսքով՝ այդ հարձակումների մեխանիզմները կդառնան ավելի բարդ, եւ ընկերությունները պետք է ավելի շատ ուշադրություն դարձնեն սովորական աշխատողների, ինչպես նաեւ ՏՏ մասնագետների վերապատրաստմանը, որպեսզի նրանք ճիշտ հակադարձեն նոր սպառնալիքներին, եւ իհարկե, նպատակային հարձակումներից պաշտպանվելու համար օգտագործեն մասնագիտացված լուծումներ»,- ասել է Բուլատ Սիրաեւը:
«Թիրախային հարձակումների դեպքում ոչ միայն վնասակար ՀԱ է օգտագործվում, այլեւ օրինական soft, ուստի առանց մասնագիտական գործիքների անհնար է», - բացատրել է փորձագետը:
Նրա խոսքով՝ եթե բանկային ոլորտը դիտարկենք որպես թիրախ կիբերհանցագործների համար, ապա սպառնալիքի վեկտորը ավելի լայն է. բանկերն ունեն փողեր, որոնք կարող են գողանալ:
Նա առանձնացրեց DDoS հարձակումները, որոնք վաղուց արդիական են: «DDoS հարձակումն օգտագործվում է կազմակերպությունների միջեւ անբարեխիղճ մրցակցության եւ մրցակիցներին շանտաժի ենթարկելու համար, ներառյալ հանցագործներին: Որպես կանոն, հարձակվողները հարձակվում են կազմակերպության կայքի վրա, եւ այն անհասանելի է դառնում օգտվողների համար», - ասել է Բուլատ Սիրաեւը:
Եթե կազմակերպությունը, չունի DDoS հարձակումներից պաշտպանվելու հատուկ գործիքներ, նրանք ստիպված են հարձակվողներին գումար վճարել, որպեսզի կարողանան ազատ օգտվել սերվերից:
Հիշեցնենք, որ «Կասպերսկու լաբորատորիան» փետրվարի 16-ին կազմակերպել էր «Հայացք ֆինանսական անվտանգության» թեմայով սեմինար:
