Հանցագործները ֆրանսիացի թավջութակահարուհի Օֆելի Գայարին վերադարձրել են XVIII դարի 1,3 մլն եվրո արժողությամբ թավջութակը, որը մի քանի օր առաջ գողացել էին իր տնից: Այս մասին հայտնել է France-Presse գործակալությունը:
«Առավոտյան անանուն զանգ ստացա, ինձ ասացին, որ թավջութակը գտնվում է տան կողքին կանգնած մեքենայի մեջ», - ասել է Գայարը`հավելելով, որ գործիքը հայտնաբերվել է մեքենայի հետեւի նստատեղին, որի պատուհաններից մեկը կոտրված էր:
Ավելի վաղ Օֆելի Գայարը դիմել էր ոստիկանությանը եւ նշել, որ հինգշաբթի դանակով զինված տղամարդը ներխուժել է Պանտեն քաղաքի (Փարիզի հյուսիսարեւելյան արվարձանի հարեւանությամբ) իր բնակարան, գողացել իր բջջային հեռախոսը եւ թավջութակով պատյանը:
