ԱՄՆ նախագահ Դոնալդ Թրամփը կարծում է, որ եթե Ռուսաստանի նպատակն ամերիկյան հասարակության մեջ դիսոնանսի եւ քաոսի տարածումն էր, ապա հետաքննությունների եւ ԱՄՆ Կոնգրեսում ծավալված բազմաթիվ լսումների շնորհիվ ՌԴ-ն հասել է իր նպատակին: Նման կարծիք ԱՄՆ նախագահը հայտնել է կիրակի օրը թվիթերյան իր էջին, փոխանցում է «ՏԱՍՍ»-ը:
«Եթե Ռուսաստանի նպատակն ԱՄՆ-ում դիսոնանսի, պառակտման եւ քաոսի ստեղծումն էր, ապա Կոնգրեսի կոմիտեներում այս բոլոր լսումներով, հետաքննություններով եւ կուսակցական ատելությամբ նրանք իրականացրեցին իրենց ամենա-ամենա երազանքները: Մոսկվայում իրենք անհագ ծիծաղում են: Ամերիկա, խելացի եղիր»- գրել է ԱՄՆ առաջնորդը:
If it was the GOAL of Russia to create discord, disruption and chaos within the U.S. then, with all of the Committee Hearings, Investigations and Party hatred, they have succeeded beyond their wildest dreams. They are laughing their asses off in Moscow. Get smart America!
— Donald J. Trump (@realDonaldTrump) 18 февраля 2018 г.
Բացի այդ, Թրամփն ընդգծել է, որ իր նախընտրական շտաբի՝ Մոսկվայի հետ դավադրության մասին պնդումները հորինվածք են՝ նշելով, որ երբեք չի հերքել Ռուսաստանի նախագահի միջամտությունն ԱՄՆ նախագահական ընտրություններին: «Ես երբեք չեմ ասել, որ Ռուսաստանը չի միջամտել ընտրություններին: Ես ասել եմ, որ «դա կարող էր լինել Ռուսաստանը, Չինաստանը կամ այլ երկիր կամ խմբավորում, կամ 400 ֆունտ կշռող մի հանճար, որն անկողնում պառկած խաղում է համակարգչով»: «Հորինվածք է» այն, որ Թրամփի նախընտրական արշավը դավադրության մեջ էր Ռուսաստանի հետ, ինչը երբեք չի եղել», - գրել է նա:
