Ռուս տիեզերագնաց Անտոն Շկապլերովը, որը գտնվում է Միջազգային տիեզերական կայանում, Instagram-ում հրապարակել է Արալի ծովի լուսանկարը, ավելի ճիշտ՝ այն, ինչ մնացել է դրանից, փոխանցում է «Մոյա պլանետան»:
Նա հիշեցրել է, որ Արալի ծովը նախկինում առանց արտահոսքի աղի լիճ էր, որը գտնվում է Ղազախստանի եւ Ուզբեկստանի սահմանին:
Մինչեւ 1960-ական թվականները այն աշխարհում մեծությամբ չորրորդ լիճն էր, սակայն այսօր ծովի մակարդակը «աղետալիորեն ցածր» է, նշել է տիեզերագնացը:
«Եվ ես չեմ սխալվել Արալի ծովը լիճ անվանելով: Ըստ ավանդույթի՝ այն ծովի են դասում մեծ չափերի պատճառով, ինչպես «հարեւան» Կասպիցը: Երկուսն էլ հնագույն օվկիանոսի մնացորդներ են»,- գրել է Շկապլերովը:
Արալի անհետացումը կապում են ԽՍՀՄ հարավում գուղատնտեսության բուռն զարգացման հետ. Արալի ծով լցվող գետաջերը օգտագործվել են հողերի ոռոգման համար եւ շատ հաճախ՝ ոչ արդյունավետ: