Հայաստանում նախատեսվում է մոտ 300 դոլար 1 ք.մ արժողությամբ բնակարաններ կառուցել։ Այս մասին փետրվարի 23-ին՝ լրագողների հետ հանդիպման ժամանակ հաղորդել է Քաղաքաշինության պետական կոմիտեի նախագահ Նարեկ Սարգսյանը։
Նա պարզաբանել է, որ էժան բնակարանային համալիրների կառուցման ժամանակ պենոպլաստ եւ բետոն է օգտագործվում. «Սա աշխարհում տարածված տեխնոլոգիա է, որը թույլ է տալիս իրականացնել ինտենսիվ բնակարանային շինարարություն»,–նշել է պաշտոնյան։
Նրա խոսքով՝ կառավարությունը դիտարկում է Հայաստանում այնպիսի գործարանի կառուցման հնարավորությունը, որը թույլ կտա իրականացնել ինտենսիվ բնակարանային շինարարություն եւ քաղաքացիներին արտոնյալ հիփոթեքային ծրագրերի շրջանակներում բնակարան ձեռք բերելու հնարավորություն տալ»,–հավելել է Սարգսյանը։
Նա նկատել է նաեւ, որ տվյալ պահին Հայաստանում հաշվարկվում են շուրջ 400-450 3-րդ կարգի վթարային բնակելի շենքեր, որոնք, երկրի օրենսդրության համաձայն, ենթակա են վերանորոգման, ինչպես նաեւ 4-րդ վթարային աստիճանի 20-30 շենք՝ ենթակա անհապաղ տեղափոխման։ 1-ին եւ 2-րդ մակարդակի վթարային շենքերը անվտանգ են համարվում, սակայն պահանջում են զգոն լինել։
Մայրաքաղաքում վթարային տների խնդիրն ամեն տարի լուծում է քաղաքապետարանը, մարզերում այս խնդիրը աստիճանաբար լուծվում է, օրինակ, Ապարանում, Եղեգնաձորում հին տների փոխարեն կառուցվում են նորերը»,–եզրափակեց Նարեկ Սարգսյանը։