Հնդկաստանում երիտասարդ ամուսինները պայթել են ռումբի վրա, որն անհայտ անձինք տեղադրել էին հարսանեկան նվերներից մեկի մեջ, հայտնում է NDTV-ն:
Միջադեպը տեղի է ունեցել Օդիշա նահանգում՝ հարսանյաց հանդեսից մի քանի օր հետո: Նորաթուխ ընտանեկան զույգը բացել է նվերները, երբ փաթեթներից մեկն անսպասելի պայթել է:
Տղամարդու տատիկը տեղում մահացել էր, ամուսիններին տեղափոխել են հվանդանոց: Ավելի ուշ տղամարդը մահացել է վերակենդանացման բաժանմունքում, կինը դեռեւս հիվանդանոցում է:
Ոստիկանության աշխատակիցները փորձում են պարզել, թե ով եւ ինչու է ռումբը նվերի մեջ դրել, պարզում են նաեւ պայթուցիկ սարքի տեսակը:
