Պետդեպարտամենտը եւ Պենտագոնը օտարերկրյա պետությունների քարոզչության եւ ապատեղեկատվության դեմ պայքարելու համար 40 մլն դոլարի համաձայնության մասին հուշագիր են ստորագրել:
Պետական դեպարտամենտի տվյալներով՝ նախատեսվում է Տեղեկատվական հասանելիության հիմնադրամ ստեղծել օտարերկրյա պետությունների քարոզի եւ ապատեղեկատվության հայտնաբերման եւ հակազդելու ուղղությամբ աշխատող պետական եւ մասնավոր գործընկերներին աջակցելու համար:
Հասարակական դիվանագիտության եւ հասարակայնության հետ կապերի գծով պետքարտուղարի տեղակալ Սթիվ Գոլդշտեյնը հայտարարել է, որ համաձայնագիրը հաստատում է ԱՄՆ կողմից օտարերկրյա քարոզչության դեմ պայքարի հանձնառությունը:
