Բագրատաշենի մաքսակետի հարեւանությամբ այսօր՝ մարտի 12-ին, տղամարդու դի է հայտնաբերվել: NEWS.am-ին ոստիկանության մամուլի ծառայությունից հայտնեցին, որ քաղաքացուց առավոտյան ժամը 06։00-ի սահմանում ահազանգ է ստացվել, որ մաքսակետի հարեւանությամբ, ճանապարհի աջ մասում տղամարդու դի է հայտնաբերվել: Դեպքի վայրում աշխատում են իրավապահները՝ հանգամանքները պարզելու համար:

Shamshyan.com-ի  փոխանցմամբ, դատական բժիշկը զննելով դին, հայտնել է, որ մարմնի վրա կան վնասվածքներ եւ կոտրվածքներ։

Ձեռնարկվում են անհրաժեշտ օպերատիվ-հետախուզական եւ քննչական համատեղ միջոցառումներ՝ մահացածի ինքնությունը, մահվան հանգամանքները պարզելու ուղղությամբ։ Տեղի ունեցածը սպանություն է, թե վրաերթ, պարզվում է։