Եվրոպական միության եւ ԱՄՆ-ի իշխանությունները ընթացիկ շաբաթվա ընթացքում մի շարք բանակցություններ կանցկացնեն Վաշինգտոնի կողմից մետաղների ներկրման համար մաքսային սակագների սահմանման մասին որոշման վերաբերյալ: Այս մասին Բրյուսելում կայացած մամուլի ասուլիսի ժամանակ հայտնել է Եվրահանձնաժողովի ներկայացուցիչ Էնրիկո Բրիվիոն, փոխանցում է «ՏԱՍՍ»-ը:
Եվրահանձնաժողովի ներկայացուցչի խոսքով՝ Բրյուսելը դեռ ԱՄՆ-ից հաստատում չի ստացել առ այն, որ Վաշինգտոնի որոշումը Եվրամիության վրա չի տարածվի: «Երկխոսությունը մեր առաջին տարբերակն է, սակայն ԵՄ-ն շարունակում է համամասնական քայլեր նախապատրաստել, եթե ԱՄՆ-ի որոշումը վերաբերի նաեւ ԵՄ-ին»,- ավելացրել է Բրիվիոն: