Լիբերալ դեմոկրատական կուսակցության առաջնորդ Վլադիմիր Ժիրինովսկին առաջարկել է Ռուսաստանի պրեզիդենտի (президента России) պաշտոնը վերանվանել բարձրագույն կառավարչի (верховный правитель) կամ երկրի նախագահի (председатель страны) պաշտոն, հաղորդում է «ՌԻԱ Նովոստի»–ն:
«Այսօր, երբ Ռուսաստանը պետք է հզոր քայլ կատարի եւ ընտրի պետության նոր ղեկավարին, Ռուսաստանի ինքնիշխանությունն ընդգծող խորհրդանշական քայլ կլինի երկրի առաջնորդի պաշտոնը ռուսական յուրահատկություններին համապատասխանեցնելը։ Օրինակ, վերանվանելով այն նախագահ (Председатель), իսկ ավելի լավ է բարձրագույն կառավարիչ (верховный правитель)։ Բոլորին հասկանալի է եւ հզոր է հնչում»,–նշել է նա իր Telegram ալիքում։
Խորհրդարանի պատգամավորը նշել է, որ 1990 թ. մարտի 15-ին է ստեղծվել ԽՍՀՄ նախագահի պաշտոնը:
