Ֆրանսիական Charlie Hebdo երգիծական պարբերականը Ռուսաստանի նախագահական ընտրությունների մասին ծաղրանկարով է հանդես եկել։ Ամսագրի լուսանկարը իր ֆեյսբուքյան էջում հրապարակել է արվեստաբան Մարատ Հելմանը, փոխանցում է «Դոժդ»–ը։
Ծաղրանկարը թողարկվել է մարտի 14-ի համարում՝ այսինքն, Ռուսաստանի նախագահական ընտրություններից մի քանի օր առաջ։
Ծաղրանկարում պատկերված է Պուտինը՝ ձեռքին տիկնիկ, որն ասում է. «Իմ անունը Քսենիա Սոբչակ է, ես նախագահական ընտրությունների հակապուտինյան թեկնածուն եմ»։ Պուտինի մեջքի ետեւում նստած է կապկպված եւ աչքերը կապած մեկը, որն ասում է. «Ես Ալեքսեյ Նավալնին եմ, միակ դեմոկրատը։ Մի՛ քվեարկեք»։
