Չինաստանի առաջին «Տյանգուն-1» տիեզերական կայանը ուղեծրից պետք է դուրս գա մարտի 31-ից մինչեւ ապրիլի 4-ը ընկած ժամանակահատվածում, հաղորդում է ՌԲԿ-ն՝ վկայակոչելով Չինաստանի ազգային տիեզերական գործակալությանը:
Այժմ «Տյանգուն-1» ուղեծրի միջին բարձրությունը 216.2 կմ է: Կայանի առաքելությունը ավարտվել է 2016 թվականի մարտի 16-ին: Դրանից հետո Չինաստանը չի ուղղել կայանի ուղեծիրը: Անկումը անվերահսկելի կլինի:
Չինաստանն արդեն զգուշացրել է ՄԱԿ-ի Տիեզերական տարածության հարցերով վարչությանը կայանի ընկնելու մասին: Եվրոպական տիեզերական գործակալությունը (ESA) նույնպես ներգրավված է կայանի շուրջ ստեղծված իրավիճակի ուսումնասիրությանը: ESA-ն իրականացնում է այլ երկրների տիեզերական գործակալությունների մոնիթորինգի համակարգումը: