Ծոցի երկրների հետ Հայաստանը զարգացրել է քաղաքական հարաբերություններ, իսկ այսօր ժամանակն է զարգացնել նաեւ տնտեսականը: Այս մասին Արաբական Միացյալ Էմիրություններում հրատարակվող անգլալեզու Gulf News թերթի Հայաստանին նվիրված հատուկ թողարկման ներկայացման ժամանակ հայտարարել է «Բիզնես Արմենիա» հիմնադրամի գործադիր տնօրեն Արմեն Ավակ Ավակյանը։
Նրա խոսքով, Մերձավոր Արեւելքի եւ Ծոցի երկրները Հայաստանի համար համարվում են առաջնային երկրներ, որտեղից կարելի ներդրումներ բերել: «Մենք այս երկրների համար հստակ եւ ուղիղ մեսիջ ունենք՝ եկեք Հայաստան եւ ներդրում կատարեք, որովհետեւ մեր պայմանները շատ լավն են, իսկ այս հրատարակչությունն առաջին քայլն է»,- ասել է Ավակյանը:
Նրա հավաստմամբ՝ Հայաստանում ներդրումներ անելը բավականին շահեկան է, քանի որ բարեփոխումների ագրեսիվ օրակարգ կա՝ հատկապես բիզնես ոլորտին առնչվող: