ԵՄ-ի մոտ 2,7 միլիոն քաղաքացի կարող էր Cambridge Analytica-ի մասնակցությամբ Facebook-ի օգտատերերի տվյալների անհամապատասխան փոխանակման զոհ դարձած լինել: Այս մասին ԵՄ-ին տեղեկացրել են Facebook-ի ներկայացուցիչները, փոխանցում է AP-ն:
Եվրամիության ներկայացուցիչ Քրիստիան Վիգանդը հայտնել է, որ ԵՄ՝ իրավակարգության հարցերով հանձնակատար Վերա Ժուրովան հաջորդ շաբաթվա սկզբին կապ կհաստատի Facebook-ի գլխավոր տնօրեն Մարկ Ցուկերբերգի հետ՝ տվյալների զանգվածային արտահոսքը քննարկելու համար:
ԵՄ-ն եւ Facebook-ը կքննարկեն այն փոփոխությունները, որոնք ընկերությունը պետք է ձեռնարկի օգտվողների պաշտպանությունը բարելավման համար, եւ այն, թե ինչպես ընկերությունը պետք է հարմարվի ԵՄ-ի՝ տվյալների պաշտպանության կանոններին: