Ավիաընկերությունները փոխել են երթուղիները՝ հրաժարվելով թռչել Սիրիայի երկնքով, հայտնում է «Մեդուզան»՝ վկայակոչելով The New York Times-ը: Ավիացիոն անվտանգության եվրոպական գործակալությունը (EASA) ապրիլի 11-ին նախազգուշացրել էր հնարավոր հրթիռային հարվածի պատճառով Միջերկրական ծովի արեւելյան հատվածում թռիչքների վտանգի մասին: Նման նախազգուշացում տարածել էր նաեւ «Ռոսավիացիա»-ն:
Զգուշացումները խորհրդատվական բնույթ են կրել, սակայն գրեթե բոլոր ավիաընկերությունները որոշել են փոխել երթուղիները: Մասնավորապես, գրում է The New York Times-ը, Սիրիայի երկնքով թռիչքներից ժամանակավորապես հրաժարվել են Lufthansa-ն, Air France-ը եւ easyJet-ը: