«Զինանոց 2018» համալիր օպերատիվ-կանխարգելիչ միջոցառման շրջանակներում, ոստիկանության Աշոցքի բաժնի ծառայողների ձեռնարած օպերատիվ-հետախուզական միջոցառումների շնորհիվ, ապրիլի 13-ին՝ ժամը 08.00-ին, «Բավրա» սահմանային անցակետում հայտնաբերվել եւ բաժին բերման է ենթարկվել Վրաստանի քաղաքացի 1989 թ. ծնված Անժելա Գ.-ն:
Ոստիկանության մամուլի ծառայությունից NEWS.am-ին հայտնում են, որ նա հունվարի 11-ից Աշտարակի բաժնի կողմից հետախուզվում է ՀՀ քրեական օրենսգրքի 325-րդ (Փաստաթղթեր, դրոշմներ, կնիքներ, ձեւաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը) եւ 329-րդ (Պետական սահմանն ապօրինի հատելը) հոդվածների 1-ին մասերի մեղադրանքներով:
Հետախուզվողի հայտնաբերման մասին տեղյակ է պահվել հետախուզումը նախաձեռնողին:
