Արարատի մարզի Տափերական գյուղում մի խումբ ցուցարարներ փակել են դեպի Երեւան տանող մայրուղին։
Ժամանել են Արարատի մարզպետ Արամայիս Գրիգորյանը, մեծ թվով ոստիկաններ։
Ցուցարարները բողոքել են Նոր Կյանք գոյւղի գոյւղապետ, «Քաղաքացիական պայմանագիր» կուսակցության վարչության անդամ Գարիկ Սարգսյանի եւ յոթ այլ անձանց բերման ենթարկելու դեմ։ Ոստիկանները մի պահ փորձել են ուժով բացել ճանապարհը, սակայն չեն կարողացել։
Ժամանել է նաեւ «Ելք» խմբակցության պատգամավոր Արամ Սարգսյանը, վերջինս հայտնել է, որ ոստիկանական բաժնում հանդիպել է Գարիկ Սարգսյանի եւ մյուս բերման ենթարկվածների հետ։ Արտաշատի ոստիկանությունը համաձայնվել է ազատ արձակել բերման ենթարկվածներին, եթե ճանապարհը բացվի։ Ըստ Սարգսյանի, դրանից հետո Սարգսյանն ու մյուսները կկարողանան մեկնել Երեւան՝ մասնակցելու հանրահավաքին։
«Գյուղացիները հազիվ հավաքվել են, խաղողից են խոսում»,- կատակել է մարզպետը։
Ցուցարարներին ֆեյսբուքով դիմել է նաեւ Գարիկ Սարգսյանը, նշել, որ իր դեմ քրգործ կա հարուցված, բայց իրեն ստորագրությամբ ազատ կարձակեն։ Նա կոչ է արել բացել ճանապարհը։
Նշենք, որ առավոտից Երեւանում եւ հանրապետության տարբեր բնակավայրերում տասնյակ ճանապարհներ են փակվել։
- Սամվել Ալեքսանյանը երկխոսության կոչ է անում եւ ոտքով հարվածում վարորդին
- Թեժ իրավիճակ Էջմիածին-Երեւան ճանապարհին. այստեղ է նաեւ Առաքել Մովսիսյանը
- Քննարկման թեման կարող է լինել միայն Սերժ Սարգսյանի հրաժարականը. Փաշինյան (վիդեո)
- Սերժ Սարգսյանը Փաշինյանին կոչ է անում անհապաղ նստել բանակցությունների սեղանի շուրջ