Կեմերովոյի մարզի խորհրդարանի խոսնակ, շրջանի նախկին նահանգապետ Աման Տուլեեւը հայտարարել է, որ «Զիմնյայա վիշնյա» առեւտրի կոնտրոնում ողբերգության համար մեղքի ոչ մի զգացում չունի, փոխանցում է «Ռոսբալտը»:
Կեմերովոյի մարզի խորհրդարանի խոսնակ, շրջանի նախկին նահանգապետ Աման Տուլեեւը կրկնել է, որ «Զիմնյայա վիշնյայի» ողբերգության համար մեղքի զգացում չունի: Դրանից բացի, նկարագրելով քաղաքացիների վերաբերմունքն իր անձի հանդեպ, նա բերել է Հիսուս Քրիստոսի ճակատագրի օրինակը, ում սկզբում պատիվների էին արժանացնում, հետո խաչեցին: Մինչ այդ խոսելով իր տարիքի մասին՝ Տուլեեւն իրեն համեմատել է Ռուզվելտի հետ:
Խոսնակը հերթական անգամ վստահություն է հայտնել, որ ինքը մեղավոր չէ «Զիմնյայա վիշնյայում» երեխաների զոհվելու համար: «Ես Աստծուց շատ եմ վախենում, շատ եմ վախենում Աստծուց եւ ինչպես սրբապատկերի առաջ ասում եմ՝ ոչ մի մեղք չունեմ: Ոչ մի: Իմ մեղքը միայն այն է, որ դա տեղի է ունեցել շրջանում, որի նահանգապետը ես էի: Ահա եւ իմ ամբողջ մեղքը»,- ասել է նա ТВМ-ի հետ հարցազրույցում:
Հիշեցնենք, որ ՌԴ ՔԿ տվյալներով՝ դատախազությունը մի քանի տարի շարունակ արգելել է Կեմերովոյի «Զիմնյայա վիշնյա» առեւտրի կենտրոնում հակահրդեհային անվտանգության ստուգումները: Հարցաքննության ժամանակ Կեմերովոյի դատախազը հայտարարել էր, որ իրենք նման հրահանգներ են ստացել վերադաս ղեկավարությունից:
