Գյումրիում ավարտվել է «Իմ քայլը» նախաձեռնության բազմամարդ երթը։ NEWS.am-ի թղթակիցը հայտնում է, թե երթը մեկնարկել էր Գյումրիի վարդանանց հրապարակից, անցել քաղաքի մի քանի փողոցներով եւ ավարտվել նույն հրապարակում։
Ականատեսների վկայությամբ, վերջին ատսնամյակներին Գյումրիում նման բազմամարդ հանրահավաք եւ երթ երբեւէ տեղի չի ունեցել։
Վարդանանց հրապարակում Փաշինյանը հաջողություն է մաղթել հավաքվածներին, նշել, որ վերադառնում է Երեւան՝ Վանաձոր երթի պատրաստվելու համար։
Նշենք, որ նախօրեին Փաշինյանը հանրահավաքում հայտարարեց, որ ապրիլի 27-ին, ժամը 18.00-ին հանրահավաք են անելու Գյումրիի Վարդանանց հրապարակում։
Բացի այդ, ապրիլի 28-ին, ժամը 14:00-ին հանրահավաք է կայանալու Իջեւանում, իսկ 17.00-ին հանրահավաք է տեղի ունենալու Վանաձորի Հայքի հրապարակում։ Դեպի Վանաձոր ավտոերթը կշարժվի ապրիլի 28-ին, ժամը 11.00-ին Ավանի Հարսնաքարի դիմացի հատվածից:
Իսկ ապրիլի 29-ին եւ 30-ին քաղաքացիական անհնազանդության գործողությունները վերսկսվելու են նոր թափով։ Մայիսի 1-ին՝ ԱԺ-ում վարչապետի ընտրության օրը, ըստ Փաշինյանի, պետք է հեղեղել Երեւանի բոլոր փողոցները։