![](img/news/04/48/97/default.jpg)
ԲՀԿ փորձագետները, թերթի տեղեկություններով, չեն բացառում, որ փետրվարի 12-ին տեղի ունենալիք համագումարն անցնի ոչ թե «սովորական», այլ այնտեղ հնչի հայտարարություն, ինչպիսին, ասենք, հնչեցրել է ԲՀԿ ղեկավար Գագիկ Ծառուկյանը վերջերս մի քանի առիթներով. ՀՀԿ 20-րդ համագումարում, եւ կարծես Սերժ Սարգսյանի հետ՝ԶԼՄ-ների էլիտայի հետամանորյա հանդիպման ժամանակ։
Հիշենք, դիմելով Սերժ Սարգսյանին, նա ասել էր՝ մեր գլխից անպակաս լինես։ Ի դեպ, լրագրողների հետ հանդիպման ժամանակ Ծառուկյանը նաեւ խնդրել է, որ Տիգրան Կարապետիչը երգի, որովհետեւ լավ ձայն ունի, սակայն Կարապետիչը հրաժարվել է (մարդը սիրտ չունի)։ Հիշենք, որ նախորդ անգամ Կարապետիչը երգել էր, նկատում է թերթը։