Ցուցարարները ժամը 17-ին բացել են վաղ առավոտից փակված բոլոր փողոցներն ու ճանապարհները եւ ուղեւորվում են Հանրապետության հրապարակ։
«Իմ քայլը» շարժման առաջնորդ, ԱԺ «Ելք» խմբակցության պատգամավոր Նիկոլ Փաշինյանը հորդորել էր բացե ճանապարհները եւ ժամը 19-ին լինել Հանրապետության հրապարակում, որտեղ հանրահավաք է կայանալու։
Փաշինյանը հայտարարել է, որ ամեն րոպե սպասում են զարգացումների. «Եթե դրանք չլինեն, մենք այլ տարբերակներ ունենք»:
Նշենք, որ ոչ միայն Երեւանում, այլեւ հանրապետության գրեթե բոլոր բնակավայրերում առավոտյան ժամը 8:15-ից փակվել էին փողոցները։ Փակվել էր նաեւ «Զվարթնոց» օդանավակայան տանող ճանապարհը, բազմաթիվ ձեռնարկություններ եւ հաստատություններ միացել էին գոծադուլի եւ դասադուլի կոչերին։ Փաստաբանները ակցիաներ են արել արդարադատության նախարարության, վճռաբեկ դատարանի առջեւ, իսկ մշակույթի գործիչները՝ մշակույթի նախարարության մոջ։
Նախօրեին Ազգային ժողովում «Ելք» խմբակցության պատգամավոր «Իմ քայլը» շարժման առաջնորդ Նիկոլ Փաշինյանը չի ընտրվել վարչապետ, ՀՀԿ խմբակցությունը դեմ է քվեարկել:
Դրանից հետո կայացած հանրահավաքում Փաշինյանը կոչ է արել վերադառնալ քաղաքացիական անհնազանդության խաղաղ, ոչ բռնի ակցիաներին: Նշենք, որ Ազգային ժողովը մայիսի 1-ին 45 կողմ եւ 56 դեմ ձայներով մերժեց Նիկոլ Փաշինյանի թեկնածությունը ՀՀ վարչապետի պաշտոնում: