Հայաստանի խորհրդարանի 4 խմբակցությունների ներկայացուցիչները Ացրապի նախագահ Բակո Սահակյանի հետ քննարկվել է հայաստանում ստեղծված քաղաքական իրավիճակը, ինչպես նաեւ անվտանգությանը վերաբերող խնդիրներ: Այս մասին NEWS.am-ի հետ զրույցում նշեց Հայաստանի ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանը:
«Քննարկել ենք Հայաստանում ստեղծված իրավիճակը: Մենք մեր մտահոգություններ ենք հայտնել Հայաստանի ներքաղաքական իրավիճակի, դրա հանգուցալուծումների վերաբերյալ, ինչպես նաեւ կարեւորել ենք անվտանգության խնդիրը, հատկապես Արցախի անվտանգության տեսանկյունից:
Եղել է քննարկում, որին մասնակցել են ՀՀ բոլոր խորհրդարանական ուժերի ներկայացուցիչները: Տարբեր տիպի հարցեր ենք քննարկել, բայց գլխավորը եղել է ներքաղաքական իրավիճակն ու անվտանգությունը: Կարեւորել ենք, որ ժողովրդավարությունն ու անվտանգությունը չհակադրվեն իրար»,-ընդգծեց Մելքումյանը:
Նշենք, որ այս պահին Հայաստանի պատգամավորական պատվիրակությունը վերադառնում է Երեւան:
Ավելի վաղ NEWS.am-ը հայտնել էր, որ մայիսի 4-ին, Արցախի նախագահ Բակո Սահակյանն ընդունել է Հայաստանի ԱԺ պատվիրակությանը, որի կազմում եղել են «ՀՀԿ», «Ծառուկյան», «Ելք», «ՀՅԴ» խմբակցությունների ներկայացուցիչները:
Հանդիպմանը մասնակցել են ՀՀԿ-ից Կորյուն Նահապետյանը, Գագիկ Մինասյանը, ԲՀԿ-ից՝ Նաիրա Զոհրաբյանը, Միքայել Մելքումյանը, Լուզիա Սարգսյանը, Հակոբ Նազարյանը, ՀՅԴ-ից Արմեն Ռուստամյանն ու Ռոմիկ Մանուկյանը, «Ելքից»՝ Արարատ Միրզոյանը, այլ պատգամավորներ։
Քննարկվել են հայկական երկու պետությունների ներքին եւ արտաքին քաղաքականությանը վերաբերող մի շարք հարցեր: Արցախի նախագահը կարեւորել է Հայաստանում ներքաղաքական կայունության հաստատման անհրաժեշտությունը՝ նշելով, որ դրանից է մեծապես կախված նաեւ Արցախի անվտանգությունը:
Հայաստանի ԱԺ չորս խմբակցություններից մեկնել են Արցախ եւ հանդիպել Բակո Սահակյանին