Ռուսաստանը Հայաստանի ռազմավարական գործընկերն է, երկար ճանապարհ են անցել։ Այս մասին մայիսի 9-ին մամուլի ասուլիսի ժամանակ ասել է պաշտպանության նախարարի պաշտոնակատար Վիգեն Սարգսյանը՝ պատասխանելով այն հարցին, արդյոք հայաստանյան իրադարձությունները ազդել են պաշտպանական ոլորտում Ռուսաստանի հետ պայմանավորվածությունների վրա։
Սարգսյանի խոսքով՝ բնական է, որ ցանկացած իրադարձություն առաջացնում է գործընկերների հետաքրքրությունն ու մտահոգությունը, նաեւ կարող է որոշակի հետեւանքներ ունենալ։ «Մեզ մեղադրել են նրա մեջ, որ վախեցնում ենք Ռուսաստանով։ Դա անհեթեթություն է,ու ոչ ոք մտադիր չի եղել նման բան անել։ Վստահ եմ, որ վարչապետն ու նրա թիմը հասկանում են այդ մարտահրավերը ու անում են ամեն ինչ՝ հարաբերությունները պահպանելու համար։ Քանի որ Ռուսաստանի հետ հարաբերությունները ռազմական ոլորտում բացառիկ նշանակություն ունեն ու դրանք պետք է պահպանել»։ Երբ լրագրողները փորձել են ճշգրտել, արդյոք արդեն կան որեւէ հետեւանքներ, Սարգսյանը հայտնել է․ «Վստահ եմ, որ ամեն ինչ նորմալ կլինի»։
