ԱՄՆ վարչակազմը «հիմնված է ստի վրա», հայտարարել է Պաղեստինի նախագահի ավագ օգնական Սայեբ Էրակաթը՝ կտրուկ քննադատելով նախագահ Դոնալդ Թրամփին՝ ամերիկյան դեսպանատունը Երուսաղեմ տեղափոխելու որոշման կապակցությամբ, փոխանցում է AP-ն:
Նրա խոսքով՝ Թրամփը խախտել է դեսպանատան տեղափոխման ժամկետը հետաձգելու խոստումը, ինչը հնարավորություն կընձեռեր խաղաղ բանակցությունների համար: Նա նշել է, որ Պաղեստինը Վաշինգտոնին այլեւս չի գործընկեր չի համարում, Թրամփի վարչակազմը «դարձել է խնդրի մի մասը»: Էրեկաթը ենթադրել է, որ Թրամփի՝ Մերձավոր Արեւելքի հարցով թիմը մասնագիտացված չէ: «Աշխարհն իրական առաջնորդների կարիք ունի, եւ նրանք (Սպիտակ տան պաշտոնյաները) անշարժ գույք վաճառողվեր են, այլ ոչ թէ առաջնորդներ»,- նշել է նա:
Նշենք, որ Երուսաղեմում ԱՄՆ դեսպանատան բացման արարողությունը տեղի կունենա այսօր: ԱՄՆ-ի՝ Մերձավոր Արեւելքի հարցով բանակցող Ջեյսոն Գրինբլաթը նշել է, որ ԱՄՆ դեսպանատան տեղափոխումը Երուսաղեմ «անհրաժեշտ նախապայման է» Իսրայելի եւ պաղեստինցիների միջեւ երկարատեւ խաղաղության համաձայնագրի համար: Դեսպանատան բացմանը մասնակցելու համար ամերիկյան պատվիրակություն է ժամանել, որի կազմում են ԱՄՆ նախագահի դուստր Իվանկա Թրամփը եւ փեսան՝ Ջարեժ Քուշները: