«Հաբբլ» ուղեծրային աստղադիտարանը Կետի համաստեղությունում NGC 1032 անսովոր գալակտիկայի լուսանկարներն է արել, որը նմանվել է կատվի աչքին, որովհետեւ մենք գրեթե կողքից ենք նայում նրան, հաղորդում է «ՌԻԱ Նովոստին»՝ հղում կատարելով աստղադիտարանի կայքին:
Աստղագետներն ու տիեզերաբաններն այսօր կարծում են, որ Տիեզերքը պարունակում է գրեթե հավասար թվով էլիպսաձեւ եւ պարույրաձեւ գալակտիկաներ, որոնք տարբերվում են ոչ միայն իրենց ձեւով, այլեւ ձեւավորման պատմությամբ եւ նրանով, թե ինչպիսի աստղեր են ապրում եւ ձեւավորում դրանց մեջ: