Տավուշի մարզի Արծվաբերդ համայնքում մայիսի 11-ին 49-ամյա կնոջ դաժան սպանության պատճառը, նախնական տվյալով, խանդն է եղել:
Կնոջը սպանելու մեջ մեղադրվում է նրա ամուսինը՝ 53-ամյա Մանվել Ասրյանը: NEWS.am-ի տեղեկություններով, ամուսինները նախկինում տարաձայնություններ են ունեցել, վիճել են, որից հետո որդին Ռուսաստանից եկել է ծնողներին հաշտեցնելու համար: Թե կոնկրետ ինչ է տեղի ունեցել դեպքի օրը, դեռեւս հայտնի չէ: Ըստ գյուղում տարածված լուրերի, սպանության պատճառը խանդն է եղել:
Ավելի վաղ ոստիկանությունը հայտնել էր, որ մայիսի 11-ին՝ ժամը 13-ն անց 10-ի սահմաններում, Տավուշի մարզի Արծվաբերդ համայնքում կտրել են 49-ամյա Մարինե Բեգյանի կոկորդը: Նրա դին հայտնաբերվել էր հավաբնում։ Պարզվել է, որ Մարինե Բեգոյանի կոկորդը կտրող-ծակող, սուր առարկայով կտրել է ամուսինը՝ Մանվել Ասրյանը։ Ոստիկանները նրան հայտնաբերել են կիսաքանդ շինության մեջ: Տեսնելով ոստիկաններին՝ տղամարդն ինքնավնասում էր արել: