News
Լրահոս
News
Երկուշաբթի
Հունվար 21
Տեսնել լրահոսը

ՀՀ արդարադատության նախարարի տեղակալ Վիգեն Քոչարյանի եւ ԵՄ արտաքին գործողությունների եվրոպական ծառայության արեւելյան գործընկերության դեպարտամենտի ղեկավար Դիրկ Շուբելի համանախագահությամբ այսօր կայացել է արդարադատության, ազատության եւ անվտանգության հարցերով ՀՀ-ԵՄ ենթակոմիտեի 9-րդ նիստը:

Նախարարությունից NEWS.am-ին հայտնում են, որ քննարկումներին մասնակցում էին Հայաստանում ԵՄ պատվիրակության ղեկավար Պյոտր Սվիտալսկին, ՀՀ արտաքին գործերի նախարարության, ՀՀ ոստիկանության, ՀՀ գլխավոր դատախազության, ՀՀ ազգային անվտանգության ծառայության, ՀՀ  ՏԿԶՆ միգրացիոն պետական ծառայության ներկայացուցիչները, ինչպես նաեւ եվրոպական հանձնաժողովի պատվիրակության, միջազգային կազմակերպությունների ու ՀՀ-ում ներկայացված ԵՄ անդամ պետությունների դեսպանությունների ներկայացուցիչները:

Բացման խոսքում փոխնախարար Քոչարյանը, անդրադառնալով Հայաստանում ներքաղաքական իրադարձություններով պայմանավորված փոփոխություններին, վերահաստատել է ՀՀ կառավարության պատրաստակամությունը իրականացնելու ՀՀ ստանձնած միջազգային պարտավորությունները, այդ թվում ՀՀ եւ ԵՄ-ի միջեւ 2017թ. նոյեմբերի 24-ին կնքված համապարփակ եւ ընդլայնված գործընկերության համաձայնագրի շրջանակներում:

Արեւելյան գործընկերության երկրների դեպարտամենտի ղեկավար Դիրկ Շուեբելը իր ելույթում շեշտել է ԵՄ պատրաստակումությունը առավել խորացնելու առկա բազմոլորտ համագործակցությունը եւ աջակցելու շարունակական բարեփոխումների արդյունավետ իրականացմանը:  

Նիստի ընթացքում քննարկվել են միգրացիային եւ շարժունակությանը, մարդկանց թրաֆիքինգի ու կոռուպցիայի դեմ պայքարին, հանցագործությունների կանխարգելմանը, դատաիրավական բարեփոխումներին, դատական համագործակցությանը, կիբերհանցագործության դեմ պայքարին եւ անձնական տվյալների պաշտպանությանն առնչվող հարցեր:

Նիստի օրակարգում ընդգրկված միգրացիայի եւ շարժունակության հետագա քայլերի համատեքստում Դիրկ Շուբելի եւ ԵՄ այլ ներկայացուցիչների կողմից անդրադարձ է կատարվել վիզաների դյուրինացման եւ ռեադմիսիայի վերաբերյալ պայմանագրերի իրականացման, շարժունակության շուրջ համագործակցության, ապաստարանի, սահմանային կառավարման եւ փաստաթղթերի անվտանգության վերաբերյալ հարցերին: Բարձրաձայնված բոլոր հարցերին տրվել են պատասխաններ համապատասխան ոլորտների ներկայացուցիչների կողմից՝ կատարված քայլերի, առկա իրավիճակի եւ առաջիկա անելիքների վերաբերյալ:

Իր խոսքում արդարադատության նախարարի տեղակալ Վիգեն Քոչարյանն անդրադարձել է վերջին տարիների ընթացքում ՀՀ-ում դատաիրավական եւ կոռուպցիայի դեմ պայքարի ոլորտներում իրականացված քայլերին՝ կարեւորելով այս ուղղությամբ կատարվող աշխատանքների շարունակականությունը եւ ընդգծելով այդ ոլորտում ԵՄ գործընկերների աջակցությունը քրեակատարողական համակարգի արդիականացմանն ուղղված ջանքերին, ինչպես նաեւ իրավական փոխօգնության ու դատական համագործակցության բնագավառում ծավալված երկկողմ եւ բազմակողմ համագործակցությանը:  

Հանդիպման ավարտին ԵՄ-ն վերահաստատել է իր պատրաստակամությունը խորացնելու եւ ընդլայնելու Հայաստանին ֆինանսական եւ տեխնիկական աջակցության տրամադրումը՝ ուղղված օրենքի գերակայության ամրապնդման, անվտանգության ապահովման, արդարադատության ոլորտի բարեփոխումների,  կոռուպցիայի, մարդկանց թրաֆիքինգի եւ ահաբեկչության դեմ պայքարի շրջանակներում ՀՀ կողմից բարեփոխումների հետեւողական իրականացմանը:

Հանդիպման արդյունքում ամրագրվել են կողմերի փոխհամաձայնությամբ ձեւավորված գործառնական եզրակացությունները, որոնց կատարման ընթացքը կդիտարկվի հաջորդ նիստի ընթացքում:

!
Այս նյութը հասանելի է նաև   Türkçe
Տպել
Կարդացեք նաև
Ամբողջը
Մերկելը խոստացել է մինչեւ վերջ պայքարել կարգավորված Brexit-ի համար
Մերկելը կպայքարի, որպեսզի Brexit-ն իրականանա պայմանավորվածությունների հիման վրա...
Թոնի Բլերը համոզված է, որ Brexit-ի երկրորդ հանրաքվեն անհրաժեշտ է
Նոր հանրաքվեն ելք է փակուղուց...
ԵՄ. կա ղարաբաղյան կարգավորման առաջընթացի դրական ազդանշան
Եվրամիությունը սատարում է ԵԱՀԿ Մինսկի խմբի ջանքերին...
WSJ. ԵՄ դիվանագետները հրաժարվում են Իրանի հարցով ԱՄՆ-ի կազմակերպած համաժողովի մասնակցությունից
Եվրոպացի դիվանագետներից մեկը հայտնել է, որ ԵՄ-ն հակաիրանական կոալիցիայի մեջ չի մտնի...
Հայաստանը ձեռնամուխ է եղել ԵՄ երկրների հետ վիզային ռեժիմի ազատականացման շուրջ երկխոսության մեկնարկին
Հանդիպումների ընթացքում կողմերը կարեւորել են վիզային ռեժիմի ազատականացման ուղղությամբ գործողությունների ապագա...
Մերկելի հովանավորյալը կոչ է անում բրիտանացիներին չլքել ԵՄ-ն
Գերմանիայի կանցլեր Անգելա Մերկելի հովանավորյալը դիմել է բրիտանացիներին․․․
Ամենաշատ
Ֆոտոռեպորտաժներ