Մայիսի 17-ին ԱՄՆ Ռոդ Այլենդ նահանգի ներկայացուցիչների պալատը միաձայն՝ Սումգայիթ քաղաքի հայ բնակչության կոտորածի 30–րդ տարելիցի կապակցությամբ բանաձեւ է ընդունել։
Արցախի ԱԳՆ մամուլի ծառայության փոխանցմամբ, բանաձեւում, մասնավորապես, նշվում է, որ Ռոդ Այլենդ նահանգի Ներկայացուցիչների պալատը ոգեկոչում է Սումգայիթի ողբերգական իրադարձությունների 30-րդ տարելիցը, ինչպես նաեւ ողջունում է Արցախի Հանրապետության ձգտումը՝ ի հեճուկս Ադրբեջանի ագրեսիային, շարունակել իր ժողովրդավարական ուղին եւ զարգանալ որպես միջազգային հանրության վստահելի անդամ։
Փաստաթղթում նաեւ նշվում է, որ նահանգի պետքարտուղարը լիազորվում է բանաձեւի վավերացված պատճենները փոխանցել ԱՄՆ Նախագահին, Ռոդ Այլենդի Կոնգրեսին եւ ԱՄՆ Պետդեպարտամենտին։