SpaceX ընկերությունը հետաձգել է իր Falcon 9 կրիչ հրթիռի արձակումը, որը պետք է 5 Iridium NEXT հեռահաղորդակցական արբանյակ դուրս բերի ուղեծիր, փոխանցում է «ՏԱՍՍ»-ը:
Կրիչ հրթիռի արձակումը նախատեսված էր շաբաթ օրը, սակայն ընկերությունը որոշել է հետաձգել այն՝ առանց պատճառները բացատրելու: Այժմ մեկնարկը նախատեսված է մայիսի 22-ին՝ Արեւմտյան ափի ժամանակով 12:47-ին (Մոսկվայի ժամանակով՝ 22:47-ին): Այն կարձակվի ամերիկյան ՌՕՈԻ-ի՝ Կալիֆոռնիայում գտնվող Վանդենբերգ բազայից: