Եթե կա պետությանը հասցված վնաս, մեր խնդիրը այդ վնասը վերականգնելն է։ Այդ մասին այսօր՝ մայիսի 21-ին լրագրողներին ասել է վարչապետ Նիկոլ Փաշինյանը։
Լրագրողների հարցին, թե ԱԱԾ պետը խոսել է պետբյուջե միջոցներ վերադարձնելու մասին, բայց քրեական պատասխանատվության մասին չի խոսել, վարչապետն ասել է՝ մեկը մյուսին չի հակասում։ «Մեր քաղաքական դիրքորոշումը այն է, որ մենք գիլյոտիններ չենք պատրաստվում շարել Երեւան քաղաքում։ Եթե կա պետությանը հասցված վնաս, մեր խնդիրը այդ վնասը վերականգնելոն է, եւ քրեական օրենսգիրքը, ունի շարք պրոցեդուրաներ, եւ դրանք ամենատարբեր հնարավորություններն են տալիս»։
Ըստ Փաշինյանի, ամեն գործի ելք կապված է գործի հանգամանքներից․ «Կլինի գործ, կլինի նախաքննություն։ Չկա մոդել, որ այս մոդելով է կիրառվելու»։
Դիտարկմանը, թե հնարավոր է վերաբացվի Միհրան Պողոսյանի օֆշորային գործը, վարչապետը նշել է, ժամանակի ընթացքում այդ հնարավորությունները կօգտագործվեն ըստ պատեհության։
