Եգիպտոսի ռազմական դատարանը լրագրողին Սինայի թերակղզում տեղի ունեցած անկարգությունների մասին հաղորդելու համար ահաբեկչության մեղադրանքով 10 տարվա ազատազրկման է դատապարտել, հաղորդում է AP-ն:
Կահիրեի ռազմական դատարանը Իսմաիլ Ալեքսանդրանիին մեղավոր է ճանաչել կեղծ լրատվություն տարածելու եւ արգելված խմբին անդամակցելու համար:
Ալեքսանդրանին ձերբակալվել է 2015-ին, երբ Բեռլինում Սինայի իրադարձությունների վերաբերյալ շնորհանդեսից հետո վերադարձել էր Եգիպտոս:
Եգիպտոսը սահմանափակել է հյուսիսային Սինայում լրատվամիջոցների մուտքը, որտեղ կառավարական ուժերը ԻՊ-ի դեմ պայքար են մղում: