Google-ի նախկին տնօրեն Էրիկ Շմիդտը քննադատել է Tesla-ի եւ SpaceX-ի ղեկավարին: Շմիդտի խոսքով, Իլոն Մասկն իզուր է վախենում է արհեստական ինտելեկտից, հաղորդում է TechCrunch-ը:
«Նա չի հասկանում արհեստական ինտելեկտի առավելությունները: Չի հասկանում, որ այս տեխնոլոգիան մարդկությանն ավելի խելացի կդարձնի», - Փարիզի VivaTech համաժաղովում Շմիդտն իր զարմանքն է արտահայտել Մասկի վախի վերաբերյալ: Ըստ Google-ի նախկին ղեկավարի, նեյրացանցերը, իհարկե, կարող են վտանգավոր լինել մարդկանց համար: «Իսկ եթե ես առաջարկեմ արգելել բջջային հեռախոսները, որովհետեւ դրանք օգտագործվում են ահաբեկիչների կողմից: Նույնն էլ արհեստական ինտելեկտի դեպքում է», - եզրափակել է գործարարը:
Մասկն իր հարցազրույցներում հաճախ է ասում, որ մտահոգված է մարդկության ապագայով: Օրինակ, նա հայտարարել էր, որ միջուկային պատերազմը անպայման տեղի կունենա արհեստական ինտելեկտի մեղքով: Ապրիլին նա հայտարարեց, որ վախենում է ապագայից, որտեղ արհեստական ինտելեկտը որոշակի պետություն է կառավարելու: