Եվրամիությունը պետք է ապացուցի, որ ունակ է իրականացնել Իրանի միջուկային ծրագրի համաձայնագիրը՝ նույնիսկ դրանից դուրս գալու մասին ԱՄՆ նախագահ Դոնալդ Թրամփի հայտարարությունից հետո: Այս մասին երկուշաբթի հայտարարել է Բելգիայի ԱԳ նախարար Դիդյե Ռեյնդերսը՝ Բրյուսելում ԵՄ Խորհրդի նիստին ժամանելուց հետո, փոխանցում է ՏԱՍՍ-ը:
«Եթե ցանկանում ենք առաջ գնալ, անչափ կարեւոր է ապացուցել, որ ունակ ենք համաձայնագիրն իրականացնել»,- ասել է նա՝ նշելով, որ ԵՄ-ն ներկայումս ձգտում է Իրանի հետ աշխատել գործարքը պահպանելու համար:
ԱՄՆ նախագահ Դոնալդ Թրամփը մայիսի 8-ին հայտարարել էր Գործողությունների համատեղ համապարփակ ծրագրից Վաշինգթոնի դուրս գալու մասին, որից հետո Եվրամիությունը գործարքի բոլոր մասնակիցներին դրա հետագա իրականացման կոչ է արել: Ինչպես հայտարարել էր Իրանի նախագահ Հասան Ռոհանին, ԵՄ-ն պետք է Թեհրանին երաշխավորի ԳՀՀԾ-ով իր շահերի պահպանումը, որպեսզի համաձայնագիրը ուժի մեջ մնա: Ըստ որում՝ Իրանը հաստատել է ԳՀՀԾ-ից դուրս չգալու եւ իր պարտավորությունները կատարելու պատրաստակամությունը: ՌԴ ԱԳՆ-ից նշել էին, որ Մոսկվան հիասթափված է Վաշինգթոնի քայլից եւ Թրամփի որոշումը Իրանի հետ քաղաքական հաշիվները մաքրելու վարագույր է անվանել: