«Գազպրոմը» «գործնականորեն մշակում է» Թուրքիայից Բուլղարիա «Թուրքական հոսքի» երկրորդ հատվածի տեղադրումը: Այս մասին հայտարարել է Ռուսաստանի նախագահ Վլադիմիր Պուտինը Բուլղարիայի վարչապետ Բոյկո Բորիսովի հետ բանակցություններից հետո, գրում է «Կոմերսանտը»:
Այսպիսով, «Թուրքական հոսքի» համար ենթակառուցվածքի զարգացման տեսանկյունից առավել տրամաբանական երթուղին՝ Բուլղարիա, Սերբիա, Հունգարիան, հաստատվել է քաղաքական մակարդակով, չնայած «Հարավային հոսքի» ձախողման ցավալի հիշողություններին: Բորիսովը շնորհակալություն է հայտնել Ռուսաստանի նախագահին, որ նա «հիշաչար չէ»:
Պուտինը նշել է, որ «միշտ» զրուցել է Թուրքիայի իշխանությունների հետ Բուլղարիայում «Թուրքական հոսքի» երկրորդ հատվածի տեղադրման հնարավորության մասին եւ «երեկ Թուրքիայի նախագահի հետ մեր հեռախոսազրույցում հաստատվել է դա»: «Մենք գործնականում աշխատում ենք թուրք ընկերների հետ, բուլղար ընկերների հետ` գիտեմ, որ Բուլղարիայի տարածքում կան որոշակի տրանսպորտային հզորություններ: Ինչ գնով եւ ծավալով, դա արդեն պետք է որոշվի տնտեսվարող սուբյեկտների կողմից, քանի որ կան շատ զուտ առեւտրային, տնտեսական խնդիրներ, որոնք պետք է վերաբերեն նրանց իրավասությանը», - ասել է Վլադիմիր Պուտինը: