News
Լրահոս
News
Կիրակի
Օգոստոս 18
USD
475.92
EUR
527.46
RUB
7.22
ME-USD
0.14
Տեսնել լրահոսը

Լեռնային Ղարաբաղի խնդրի կարգավորման բանակցությունները չեն կարող արդյունավետ համարվել, քանի դեռ դրան չի մասնակցում Արցախի ղեկավարությունը: Այս մասին, այսօր՝ հունիսի 7-ին, ԱԺ հատուկ նիստում ներկայացնելով կառավարության ծրագիրը, նշեց ՀՀ վարչապետ Նիկոլ Փաշինյանը:

Նրա խոսքով, այս դիրքորոշումը շատերը համարեցին նորույթ բանակցային գործընթացում, այնինչ դրա մեջ ոչ մի նորույթ չկա. «յն, ինչ համարվում է նորույթ, ընդամենը լավ մոռացված հինն է: Այն, որ Արցախը բանակցությունների լիարժեք կողմ է, հաստատվել է 1994 թվականի Բուդապեշտում ԵԱՀԿ գագաթաժողովում: Մինչեւ 1998 թվականի բանակցային գործընթացը տեղի է ունեցել հենց այդ ձեւաչափով: 1998-ից հետո ՀՀ իշխանությունները բանակցել են նաեւ Ղարաբաղի անունից: Ճիշտ են արել, թե սխալ, ուրիշ խնդիր է, բայց դրա համար ունեցել են պատճառ:

Ռոբերտ Քոչարյանը Հայաստան գալուց առաջ եղել է Ղարաբաղի ընտրված նախագահ, իսկ Սերժ Սարգսյանը Արցախի ինքնապաշտպանության կազմակերպիչներից է եւ հետեւաբար, նրանք կարող էին ունենալ կամ իրենց վերագրել Ղարաբաղի անունից՝ բանակցելու մանդատ:

Նույնը չեմ կարող անել ես, որովհետեւ դրա համար չկա ոչ իրավական, ոչ քաղաքական, ոչ բարոյական հիմնավորում: Ղարաբաղի ժողովուրդը չի մասնակցում Հայաստանի ընտրություններին, փոխարենն ունի իր իշխանությունը եւ Արցախի ժողովրդի կարող է ներկայացնել միայն իր լեգիտիմ իշխանությունը»,-հայտարարեց Փաշինյանը:

Նա նկատեց, որ ամեն անգամ երբ նման հարց է բարձրացվում, Ադրբեջանն ասում է, որ որպես ինքնուրույն կողմ բանակցություններին պետք է մասնակցեն նաեւ Ղարաբաղի այսպես ասած ադրբեջանական համայնքի ներկայացուցիչները. «Սա կեղծ փաստարկ է, որովհետեւ Ղարաբաղում ապրած ադրբեջանցիների իրավական կարգավիճակը որեւէ փոփոխություն չի կրել կոնֆլիկտի պատճառով: Նրանք շարունակում են  մնալ Ադրբեջանի քաղաքացի եւ որպես Ադրբեջանի քաղաքացի էլ շարունակում են մասնակցել Ադրբեջանի ընտրությունենրին: Ասել է թե Ալիեւը բանակցություններինմ ասնակցում է նաեւ այդ մարդկանց տված մանդատով, ասել է թե այդ մարդիկ արդեն ներգրավված են բանակցություններում ի դեմս Ադրբեջանի նախագահի»:

Փաշինյանը նշեց, որ իրենց այս մոտեցումները որպես բանակցությունները վիժեցնելու փորձ ներկայացնողները ճիշտ չեն գնահատում իրավիճակը. «Ես պատրաստ եմ բանակցել Ադրբեջանի նախագահի հետ ԵԱՀԿ համանախագահության շրջանակներում: Բայց բանակցությունների արդյունավետությունը բարձրացելու առումով կարեւոր է նախկինում ձեռք բերված պայմանավորվածությունները կյանքի կոչելը: Անհարմար է բանակցել նոր հարցերի շուրջ, եթե նախկին պայմանավորվածությունները չեն կատարվում: Հակառակորդի յուրաքանչյուր արկածախնդրություն կհանդիպի մեր ջախջախիչ հակահարվածին»:

Հրապարակվել է ՀՀ Կառավարության ծրագիրը (ամբողջական տեքստ)

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Արայիկ Ղազարյանի զորամասում քննություն է իրականացվում. Արծրուն Հովհաննիսյան
Եղբայրը տեղեկացրել է, որ ամենի ինչ նորմալ է եղել ու ինքը նորմալ ծառայել է, վերջերս էլ իրեն բժշկական օգնություն է ցուցաբերվել...
Ադրբեջանի օմբուդսմենի ներկայացուցիչները այցելել են զինծառայող Արայիկ Ղազարյանին
Ղազարյանը նաեւ հայտնել է, որ իր իրավունքները չեն խախտվում, եւ նա որեւէ բողոք չունի...
Ադրբեջանի դեսպանատան անհիմն մեղադրանքներ. Հայաստանի ԱԳՆ արձագանքը
Ճամբարում դեսպան Տողանյանի գտնվելու ժամանակ որեւէ իրադարձություն չի եղել, ինչի մասին հայտնում է ադրբեջանական կողմը…
Ադրբեջանին ԱԳՆ-ն դիմել է ՄԱԿ եւ ԵԱՀԿ
Կապված Հայաստանի վարչապետ Նիկոլ Փաշինյանի հայտարարությունների հետ…
Արայիկ Ղազարյանը նախքան մարտական դիրքը թողնելը մարմնական վնասվածքներ չի ունեցել. ՔԿ
Ձեռնարկված քննչական գործողությունների արդյունքում պարզվել է, որ...
Ադրբեջանը հերթական տեղեկատվական խայծն է տարածել. Արծրուն Հովհաննիսյան
Կրկին հիշեցնեմ, որ առաջնագծում դիրքերի տեղաշարժերը մշտական բնույթ են կրում...