Զինծառայողներին հիմնարար իրավունքներով ապահովելը կարեւոր է բանակի բարոյական վիճակի առումով։ Այս մասին այսօր՝ հունիսի 8-ին Զինված ուժերում մարդու իրավունքների պաշտպանություն մասին ՄԻՊ զեկույցի քննարկման ժամանակ հայտնեց Երեւանում Եվրոպայի խորհրդի գրասենյակի ղեկավար Նատալյա Վուտովան։
«Այս թեմայի մասին մտածելիս ես ինքս ինձ հարցրեցի, թե ինչու է զինվորականների իրավունքների պաշտպանությունն ու աջակցությունը շատ կարեւոր Հայաստանում։ Եվ գտա մի քանի պատճառ՝ նախ, զինվորականները կարող են դժվար իրավիճակում հայտնվել, երբ նրանց հիմնարար իրավունքները կարող են խախտվել։
Մեկ այլ պատճառ է, որ երկիրը ներքին ու միջազգային պարտավորություններ է ստանձնել պաշտպանել նրանց իրավունքները։
Ավելին նրանց հիմնարարար իրավունքներով ապահովելը կարեւոր է բանակի բարոյական վիճակի առումով»,–շեշտեց նա»
Իսկ վերջում Նատալյա Վուտովան շնորհակալություն հայտնեց մարդու իրավունքների պաշտպանին, նրա անձնակազմին, պաշտպանության նախարարությանը համագործակցության համար ու կարեւորեց այս միջոցառումը, ինչպես նաեւ շեշտեց ուժեղ քաղաքացիական հասարակության կարեւոր նշանակությունը։