Թուրքիայի ԶՈՒ գլխավոր շտաբի հետախուզության նախկին պետ, գեներալ Իսմայիլ Հաքքը Փեքինը մեկնաբանել է Հյուսիսային Իրաքի Քանդիլ լեռան վրա տեղակայված PKK-ի ճամբարների դեմ գործողություն սկսելու Էրդողանի հայտարարությունը։
Թուրքական Cumhuriyet-ի հետ զրույցում Իսմայիլ Հաքքը Փեքինը նշել է, թե հնարավոր գործողությունը նման չի լինելու Աֆրինի գործողությանը եւ բոլորովին այլ բան է լինելու։ «Քանդիլի դեմ գործողություն սկսելու համար մեծ թվով զինուժ է հարկավոր, սակայն այս պահին այդ հատվածում միայն մի բրիգադ է ներկայացված։
Քանդիլը շատ մեծ տարածք է։ Այնտեղ լեռնային պայմաններում մարտ վարելը Աֆրինում սովորական խրամատային պատերազմից տարբերվում է։ Եթե գործողություն սկսվի է, ապա այն սիմվոլիկ է լինելու։ Էրդողանը դա անելու է նախըտրական քարոզչության շրջանակներում, սակայն այդ գործողության հաջողությունը կասկածելի է»,-ասել է թուրք գեներալը։
Նշենք, որ Թուրքիայի նախագահ Ռեջեփ Թայիփ Էրդողանը հայտարարել է, թե ամեն պահ կարող է գործողություն սկսվել Հյուսիսային Իրաքի Քանդիլում տեղակայված «Քուրդիստանի բանվորական կուսակցության» ճամբարների դեմ։