ԱՄՆ նախագահ Դոնալդ Թրամփը շնորհակալություն է հայտնել հյուսիսկորեացի առաջնորդ Կիմ Չեն Ընին «իր ժողովրդին նոր երջանիկ ապագա տանող առաջին համարձակ քայլի համար»: Թրամփը նշել է, որ Սինգապուրում իրենց գագաթնաժողովն «ապացուցում է, որ իրական փոփոխությունները հնարավոր են»:
«Սահման չկա այն բանին, թե Հյուսիսային Կորեան ինչի կարող է հասնել, երբ հրաժարվի իր միջուկային զենքից»,- Twitter-ում նշել է Թրամփը:
Նշենք, որ Սինգապուրում 2 առաջնորդների հանդիպումն ավարտվել է համատեղ հուշագրի ստորագրմամբ, որում Փհենյանը հայտարարում է «ամբողջական ապամիջուկայնացմանը» իր պատրաստակամության մասին: