«Սասնա ծռերի» գործով դատական նիստին այսօր հունիսի 13-ին, Երեւանի ընդհանուր իրավասության դատարանի Շենգավիթի նստավայրում, որպես տուժողի իրավահսջորդ ներգրավվեցին սպանված ոստիկաններ Գագիկ Մկրտչյանի եւ Յուրի Տեփանոսյանի այրիները:
NEWS.am-ի թղթակիցը հաղորդում է, որ դատավոր Մեսրոպ Մակյանը ճշտեց նրանց ինքնությունը եւ ներգրավվեց գործում: Դատական նիստը շարունակվում է: Փաստաբան Լուսինե Սահակյանը «Սասնա ծռերի» անդամ Սեդրակ Նազարյանի խափանման միջոցը փոխելու միջնորդություն է ներկայացնում: Սեդրակ Նազարյանի խափանման միջոց կալանքը փոխելու համար երաշխավորել են «Ծառուկյան» խմբակցության պատգամավորներ Նաիրա Զոհրաբյանը եւ Միքայել Մելքումյանը: Բոլոր պաշտպանները միացան միջնորդությանը: