Հայաստանը այն սակավ երկրներից է, որոնք չեն վավերացրել սեռական շահագործումից եւ սեռական չարաշահումներից երեխաների պաշտպանության մասին կոնվենցիան (Լանզարոտի կոնվենցիա): Նորվեգիան դարձել է Եվրոպայի Խորհրդի 43-րդ անդամ պետությունը, որը վավերացրել է Կոնվենցիան:
«Երեխաների նկատմամբ սեռական չարաշահումներն ամենասարսափելի հանցագործությունն են, որոնք, ցավոք, շատ տարածված են Եվրոպայում: Այսօր Նորվեգիան միանում է այս երեւույթի դեմ պայքարին՝ վավերացնելով ԵԽ Լազարոտի կոնվենցիան: Ներկայումս մնում է Եվրոպայի խորհրդի չորս անդամ պետություն` Հայաստանը, Ադրբեջըանը, Իռլանդիան եւ Միացյալ Թագավորություն, որոնք դեռեւս չեն վավերացրել երեխաներին բռնությունից իրավական պաշտպանության ավելի բարձր մակարդակ ապահովող այս կարեւորագույն պայմանագիրը: Ես ողջունում եմ Նորվեգիայի կողմից Լանզարոտի կոնվենցիայի վավերացումը եւ կոչ եմ անում այն երկրներին, որոնք դեռ չեն արել դա, միանալ ընդհանուր գործին»,- հայտարարել է Եվրոպայի Խորհրդի գլխավոր քարտուղար Թյորբյորն Յագլանդը: